मुंबई: रंगभूमीवर ‘बाप कुणाचा ताप कुणा…!’ हे धमाल नाटक आता आले आहे. श्रीनिवास भणगे यांनी हे नाटक लिहिले आहे. नाटकाचे दिग्दर्शन कुमार सोहोनी यांनी केले आहे. विजय गोखले, संतोष पवार, धनश्री काडगावकर, प्रशांत निगडे, वरदा साळुंके, श्रुती पुराणिक व दुर्गेश आकेरकर हे आघाडीचे कलावंत या नाटकात भूमिका रंगवत आहेत. अलीकडेच या नाटकाचा शुभारंभाचा प्रयोग मोठ्या उत्साहात झाला.
‘बाप कुणाचा ताप कुणा…!’ या नाटकाचे संगीत अशोक पत्की यांनी केले असून, नेपथ्य राजन भिसे यांनी केले आहे. कुमार सोहोनी यांची प्रकाशयोजना, पूर्णिमा ओक यांची वेशभूषा आणि किशोर पिंगळे यांची रंगभूषा या नाटकाला लाभली आहे.
सी. टी. निर्मित व स्मित हरी प्रॉडक्शन्स प्रकाशित हे नाटक, सचिन व्ही. यू. हे निर्माते रंगभूमीवर घेऊन आले आहेत.