•आयएसपीएल लिलावात अभिषेक दल्होर ₹२०.५० लाखांसह ठरला सर्वात महागडा खेळाडू…
•सहा फ्रँचायझींनी ९६ खेळाडूंवर ₹५.५४ कोटींपेक्षा जास्त बोली लावली; लिलावातील सर्वात तरुण १५ वर्षीय शारिक यासिर यांना अक्षय कुमार यांच्या मालकीच्या श्रीनगर के वीर संघाने ₹३ लाखांत केले खरेदी…
मुंबई: इंडियन स्ट्रीट प्रीमियर लीगच्या (ISPL) दुसऱ्या हंगामासाठी झालेल्या लिलावात सहा संघांनी तीव्र बोली लावली. दुसरा हंगाम २६ जानेवारी ते १५ फेब्रुवारी २०२५ दरम्यान ठाणे येथील दादोजी कोंडदेव स्टेडियमवर खेळविला जाणार आहे. मुंबईत झालेल्या रोमांचक मेगा लिलावात ३५० खेळाडूंवर बोली लावण्यात आली. हे खेळाडू ५५ शहरांमधील व्यापक चाचण्यांमधून निवडले गेले होते. लिलावाला गती मिळाल्यानंतर सहा संघांनी एकूण ९६ खेळाडूंची निवड केली. अमिताभ बच्चन यांच्या मालकीच्या माझी मुंबई संघाने ₹३ लाखांच्या बेस प्राइसवरून थेट ₹२०.५० लाखांची प्रभावी बोली लावत स्पर्धेला मागे टाकत अभिषेक कुमार दल्होर यांना सर्वात महागड्या खेळाडू म्हणून खरेदी केले. लिलावातील सर्वात तरुण १५ वर्षीय शारिक यासिर यांना अक्षय कुमार यांच्या मालकीच्या श्रीनगर के वीर संघाने ₹३ लाखांत खरेदी केले. परफेक्ट संघ तयार करण्याच्या उद्देशाने संघ मालकांनी उत्कृष्ट क्रिकेट टॅलेंट मिळविण्यासाठी जोरदार स्पर्धा केली. १६ सदस्यीय संघांसाठी खेळाडू निवडताना चुरस वाढली. लिलाव संपता-संपता सहा फ्रँचायझींनी ₹५.५४ कोटींपेक्षा जास्त रक्कम खर्च केली होती.
या वर्षीच्या पहिल्या आवृत्तीसह सुरू करण्यात आलेली आगळीवेगळी टेनिस बॉल टी१० (T10) क्रिकेट स्पर्धा रस्त्यावरील क्रिकेटचा थरार स्टेडियमपर्यंत पोहोचवते आणि देशातील प्रतिभावान खेळाडूंना व्यावसायिक व्यासपीठ उपलब्ध करून देते. या वर्षीच्या लिलावात प्रथमच राइट-टू-मॅच (RTM) आणि आयकॉन प्लेयर नियमांची अंमलबजावणी करण्यात आली. संघांना त्यांच्या संघात एका आयकॉन खेळाडूचा समावेश करण्याची परवानगी देण्यात आली, तसेच राइट-टू-मॅच (RTM) नियमांतर्गत मागील हंगामातील दोन खेळाडूंना संघात राखून ठेवण्याचा पर्यायही उपलब्ध होता.
विजय जयसिंग ₹१३.७५ लाख (माझी मुंबई, अमिताभ बच्चन यांच्या मालकीचे), कृष्णा सातपुते ₹८.५० लाख (फाल्कन रायझर्स हैद्राबाद, राम चरण यांच्या मालकीचे), दीपक डोगरा ₹६ लाख (चेन्नई सिंगम्स, सूर्या यांच्या मालकीचे), सरोज परमानिक ₹१६.२५ लाख (केव्हीएन बेंगलोर स्ट्रायक्स, ऋतिक रोशन यांच्या मालकीचे), दिलीप बिंजवा ₹६ लाख (श्रीनगर के वीर, अक्षय कुमार यांच्या मालकीचे), भवेश पवार ₹८.५० लाख (टायगर्स ऑफ कोलकाता, करीना कपूर खान आणि सैफ अली खान यांच्या मालकीचे) हे आयकॉन खेळाडू म्हणून संघांनी खरेदी केले, ज्यामुळे त्यांच्या संबंधित संघांची ताकद वाढविली.
आयएसपीएलचे कोअर कमिटी सदस्य सचिन तेंडुलकर म्हणाले, ‘देशभरातून आयएसपीएलमध्ये वाढती उत्सुकता पाहून आनंद होतो. टेनिस-बॉल क्रिकेट एक रोमांचक फॉर्मेट आहे आणि आयएसपीएलने खेळाडूंना त्यांच्या कौशल्यांचे प्रदर्शन करण्यासाठी स्पर्धात्मक व्यासपीठ उपलब्ध केले आहे. उद्घाटन हंगामात काही विशेष कामगिरी दाखविली गेली आणि या वर्षी लीग अधिक शहरांमध्ये विस्तारली आहे, ज्यामुळे उभरत्या प्रतिभांना ओळखता येईल. आशा आहे की, हे खेळाडू या संधीचा पुरेपूर उपयोग करतात आणि त्यांना त्यांचा योग्य सन्मान मिळतो.’
आयएसपीएलचे कोअर कमिटी सदस्य आशिष शेलार यांनी सांगितले, ‘उद्घाटनाचा पहिला हंगाम मोठा यशस्वी ठरला. खेळ आणि मनोरंजनाचा परफेक्ट संगम असलेल्या आयएसपीएलला फॅन्स केवळ स्टेडियममध्येच नाही, तर देशभर टीव्ही आणि ओटीटीवरही खूप पसंती मिळाली. आम्ही टेनिस-बॉल क्रिकेट एका भव्य रूपात सादर केल्यामुळे खेळाडू घराघरात ओळखले गेले. पहिल्या हंगामाच्या प्रचंड यशानंतर, आम्ही एक खूप मोठ्या दुसऱ्या आवृत्तीसह आलो आहोत. या वर्षीच्या हंगामासाठी ३० लाखांहून अधिक नोंदणी प्राप्त झाल्या.’
आयएसपीएलचे लीग कमिशनर सूरज सामत म्हणाले, “खेळाच्या तज्ज्ञांच्या टीमसह, आम्ही देशाच्या प्रत्येक कोपऱ्यातून प्रतिभा ओळखून त्यांची वाढ करू इच्छित आहोत. मला आनंद होतो की, आम्ही आयएसपीएलच्या तिसऱ्या हंगामात १०१ शहरांमध्ये चाचण्या घेणार आहोत. या वर्षी आम्ही आरटीएम नियमही लागू केला आहे, ज्यामुळे संघांना त्यांच्या प्रमुख खेळाडूंना राखून ठेवण्याची संधी मिळाली, ज्यांचे एक प्रामाणिक फॅन बेस आहे. संघांनी या नियमाचा पूर्ण वापर केला. संघांची पथके मजबूत आणि संतुलित दिसतात आणि आम्ही चाहत्यांसाठी रोमांचक सामन्यांसह स्पर्धात्मक हंगामाची अपेक्षा करत आहोत.’
आयएसपीएलचा दुसरा हंगाम क्रिकेटप्रेमींसाठी एक पर्वणी ठरणार आहे. रोमांचक सामने स्टार स्पोर्ट्स नेटवर्कवर प्रसारित केले जातील आणि जिओसिनेमावर स्ट्रीम केले जातील.
आयएसपीएलमधील संघ :
• टायगर्स ऑफ कोलकाता :
भावेश पवार (₹८.५० लाख), रवि गुप्ता (₹६ लाख), फिरास मोहम्मद (₹३ लाख), विवेक मोहनन (₹५ लाख), प्रथमेश ठाकरे (₹११ लाख), नवाज खान (₹५.५० लाख), फरदिन काजी (₹१५.९०लाख), थॉमस दियास (₹८.१५लाख), हरदीप सिंग (₹३ लाख), मुन्ना शेख (₹६.५० लाख), सरफराज खान (₹३ लाख), रोहित चंडीगड (₹३ लाख), सुभजीत जाना धोनी (₹३ लाख), इम्रोज खान (₹९.५० लाख), शिवम कुमार (₹३.४० लाख) आणि फिरदोस आलम (₹३ लाख).
• माझी मुंबई :
दीपक लिम्बो (₹३ लाख), कबीर सिंह (₹३ लाख), अभिषेक दलहोऱ (₹२०.५० लाख), विजय जयसिंग (₹१३.७५लाख), अंकुर सिंह (₹३.२० लाख), ईशांत शर्मा (₹३ लाख), योगेश पेणकर (₹११.६५ लाख), रजत मुंढे (₹५ लाख), मेहेंद्र चंदन (₹३ लाख), आसिफ लुहार (₹३ लाख), मोहम्मद नदीम (₹८.२५ लाख), अमित नाईक (₹३ लाख), राजेंद्र सिंग (₹७ लाख), अंकित यादव (₹३ लाख), विजय कुमार (₹३ लाख) आणि बिरेंद्र राम (₹३ लाख).
• केव्हीएन बेंगलोर स्ट्रायकर्स :
आकाश गौतम (₹४.४० लाख), सरोज परमाणिक (₹१६.२५ लाख), इरफान पटेल (₹५.२५ लाख), बंटी पटेल (₹३ लाख), अर्जुन भोसले (₹३ लाख), पिंकु पॉल (₹१० लाख), संजय कनोजिया (₹१०.१० लाख), प्रदीप पाटील (₹३ लाख), प्रथमेश पवार (₹३ लाख), अंकित मौर्या (₹३ लाख), नितिन मातुंगे (₹३ लाख), श्रेयश मटिवाडदार (₹३ लाख), आशिक शम्सु (₹६.५० लाख), कृष्णा पवार (₹१०.५० लाख), फरमान खान (₹३ लाख) आणि अजाज कुरेशी (₹१० लाख).
• फाल्कन रायझर्स हैदराबाद :
कृष्णा सातपुते (₹८.५०लाख), विश्वजीत ठाकूर (₹१०.५० लाख), वरुण कुमार (₹३ लाख), जाँटी सरकार (₹३ लाख), आर्यन खारकर (₹३ लाख), इरफान उमर (₹१६.५० लाख), प्रथमेश म्हात्रे (₹४ लाख), राजेश पुजारी (₹३ लाख), प्रभजोत सिंग (₹३ लाख), मन्सूर केएल (₹३ लाख), श्रेयश कदम (₹३ लाख), आनंद बघेल (₹३ लाख), विक्की भोईर (₹१२.५० लाख), आकाश जांगीड (₹३ लाख), बबलू पाटील (₹११ लाख) आणि परवीन कुमार (₹६.५०लाख).
• चेन्नई सिंघम्स :
दीपक डोगरा (₹६ लाख), सुमीत ढेकळे (₹१०.१० लाख), सियाद्री सियाद्री (₹३ लाख), राहुल सावंत (₹३ लाख), शुभम सांगळे (₹३ लाख), जगत सरकार (₹१५.४० लाख), वेन्कटाचलपथि विघ्नेश (₹३ लाख), जिग्नेश पटेल (₹६.६५ लाख), वेदांत मयेकर (₹३ लाख), डेव्हिड गोगोई (₹४.२० लाख), प्रशांत घरत (₹५.७५ लाख), मोहम्मद झिशान (₹३ लाख), केतन म्हात्रे (₹१७.२ कस५ लाख), आर. थविथ कुमार (₹३ लाख), अनुराग सरशर (₹९.६० लाख) आणि फरहत अहमद (₹३ लाख).
• श्रीनगर के वीर:
दिलीप बिंजवा (₹६ लाख), आकाश तारेकर (₹३ लाख), साई शेलर (₹३ लाख), प्रज्योत अंभिरे (₹६.७५ लाख), साहिल लोंगाले (₹३.२० लाख), लोकेश लोकेश (₹६.२५ लाख), हर्ष अडसूळ (₹३ लाख), सागर अली (₹६ लाख), शारिक यासीर (₹३ लाख), राजू मुखिया (₹८.५० लाख), राजेश सोरते (₹३ लाख), हनुमंथ रेड्डी कपू (₹३ लाख), सुव्रणिल रॉय (₹४.४० लाख), फिरोज शेख (₹३ लाख), मंगेश वैती (₹३ लाख) आणि संस्कार ध्यानी (₹३ लाख).