आदित्य-अनुष्काच्या साखरपुड्यामध्ये पारू सहभागी होईल ?
मुंबई:मराठी दूरचित्रवाणीचा येणारा आठवडा मनोरंजनची खास मेजवानी घेऊन येत आहे. कारण होणार आहे ‘लक्ष्मी निवास’ आणि ‘पारू’ या दोन मालिकांचा महासंगम. दळवी आणि किर्लोस्कर कुटुंब एकत्र येत आहे भव्य मंगलकार्यासाठी. दळवी कुटुंब सज्ज आहे जयंत आणि जान्हवीच्या लग्नासाठी, तर दुसऱ्या बाजूला आदित्य आणि अनुष्काच्या साखरपुड्याचा सोहळात किर्लोस्कर चारचांद लावायला तयार आहेत. भव्य मंगलकार्य म्हटलं म्हणजे हे कार्य पार पडण्यासाठी स्थळही तितकच भव्य हवं. तेव्हा पहिल्यांदा मराठी दूरचित्रवाणीवर हे भव्य मंगलकार्य खऱ्या अर्थाने आलिशान महालात पार पडत आहे. पण त्याआधी अहिल्यादेवी आणि जयंत मध्ये स्थळासाठीची रस्सीखेच सुरु आहे, त्याच दरम्यान हे उलगडतं की अहिल्या आणि लक्ष्मी मैत्रिणी आहेत. हे ऐकून जयंतच म्हणतो कि तुम्ही दोघी मैत्रिणी आहात तर आपण या स्थळावर दोन्ही कार्यक्रम पार पाडू, पण एक अट आहे कि जान्हवी आणि माझ्या लग्नाच्या सगळ्या कार्यक्रमात म्हणजे अगदी लग्न लागेपर्यंत सहभागी व्हायचं. कशी चालली आहे या भव्य मंगलकार्याची तयारी आणि काय होणार या मंगलकार्यात चला जाणून घेऊया.
आपल्या बहिणीच्या लग्नात भावना आणि सिद्धू यांच्यात गैरसमज निर्माण होणार आहेत. सिद्धूला असं वाटतंय की आदित्यच भावनाचा नवरा आहे. आणि भावना एका मुलीची आई आहे. यामुळे तो अस्वस्थ आहे. सिद्धूला अजून एक धक्का बसतो जेव्हा त्याला समजतं की लक्ष्मी हीच सिंचनाची सासू आहे. हे ऐकून तो चक्रावून जातो. विश्वाही या लग्नासाठी आलाय. तिथे त्याची प्रीतमशी भेट होते. ते दोघं मिळून हे भव्य मंगलकार्य बिघडवायचं ठरवतात. मात्र, विश्‍वा जान्हवीच्या चेहऱ्यावर आनंद बघून विचार बदलतो. या प्रसंगी पारू आणि सिद्धूची मैत्री होते, जिथे सिद्धू आदित्यचं अपहरण करायचं ठरवतो. दिशा आणि अनुष्काला एकत्र बघून पारूसमोर त्यांचं सत्य बाहेर येईल ? तसेच, रवीला समजतं की तो ज्या व्यक्तीला खूप काळापासून व्यवसायासाठी कॉल करत होता, तो दुसरा कोणी नसून संपतरावच आहे. हे अपघाताचं सत्य जर कोणी बाहेर काढलं तर काय होईल, या काळजीत रवी आहे. या सगळ्यात जयंत जान्हवीच लग्न आणि आदित्य- अनुष्काचा साखरपुडा कसा पार पडणार हे पाहण्यास तुम्ही उत्सुक असालच.
तेव्हा पाहायला विसरू नका ‘भव्य मंगलकार्य’ महासंगम ‘पारू’ आणि ‘लक्ष्मी निवास’ चा २७ जानेवारी ते १ फेब्रुवारी दररोज ७:३० वाजल्यापासून फक्त आपल्या झी मराठीवर.