मुंबई:’जिओ स्टुडिओज’ आणि ‘मुंबई फिल्म कंपनी’ प्रस्तुत बहुप्रतिक्षित ऐतिहासिक महाचित्रपट ‘राजा शिवाजी’च्या प्रदर्शनाची उत्सुकता दिवसेंदिवस वाढत असताना आता चित्रपटाच्या मराठी आवृत्तीचे ॲडव्हान्स बुकिंग अधिकृतपणे सुरू करण्यात आले आहे. या घोषणेमुळे प्रेक्षकांमध्ये उत्साहाचे वातावरण निर्माण झाले आहे. ऐतिहासिक पार्श्वभूमी, दमदार कलाकारांची फळी आणि भव्य निर्मितीमूल्यांमुळे ‘राजा शिवाजी’ हा चित्रपट यंदाच्या वर्षातील सर्वात चर्चेत असलेल्या चित्रपटांपैकी एक ठरत आहे.
अभिनेता, दिग्दर्शक, लेखक आणि निर्माता म्हणून रितेश विलासराव देशमुख यांनी या चित्रपटाचे नेतृत्व केले असून, त्यांच्या या महत्त्वाकांक्षी प्रकल्पाबद्दल प्रेक्षकांमध्ये आधीपासूनच मोठी उत्सुकता निर्माण झाली आहे. शिवचरित्रावर आधारित असलेला हा चित्रपट केवळ ऐतिहासिक कथा मांडत नाही, तर स्वाभिमान, शौर्य आणि नेतृत्वाची प्रेरणादायी गाथा मोठ्या पडद्यावर साकारण्याचा प्रयत्न करतो. त्यामुळे ॲडव्हान्स बुकिंग सुरू होताच इतिहास आणि स्वाभिमानाच्या मुळाशी असलेल्या या भव्य चित्रपटानुभवासाठी प्रेक्षक आपल्या जागांचे आरक्षण आताच निश्चित करू शकतात.
‘राजा शिवाजी’मध्ये हिंदी आणि मराठी चित्रपटसृष्टीतील अनेक दिग्गज कलाकारांची प्रभावी उपस्थिती पाहायला मिळणार आहे. संजय दत्त, अभिषेक बच्चन, विद्या बालन, महेश मांजरेकर, सचिन खेडेकर, बोमन इराणी, भाग्यश्री, फरदीन खान, जितेंद्र जोशी, अमोल गुप्ते आणि जिनिलिया देशमुख यांसारख्या कलाकारांचा भव्य संच या चित्रपटाला अधिक मोठेपणा प्रदान करतो. या कलाकारांच्या दमदार अभिनयासोबतच भव्य सेट्स, उत्कृष्ट तांत्रिक मांडणी आणि प्रभावी दृश्यरचना यामुळे चित्रपटाकडून प्रेक्षकांच्या अपेक्षा आणखी वाढल्या आहेत.
‘जिओ स्टुडिओज’द्वारे सादर करण्यात आलेला आणि ‘मुंबई फिल्म कंपनी’ची निर्मिती असलेला हा चित्रपट ज्योती देशपांडे आणि जिनिलिया देशमुख यांनी निर्मित केला आहे. छत्रपती शिवाजी महाराजांच्या जीवनप्रवासावर आधारित हा ऐतिहासिक चित्रपट शौर्य, नेतृत्त्व, स्वराज्याची प्रेरणा आणि महाराष्ट्राच्या गौरवशाली इतिहासाचे दर्शन घडवणारा ठरणार आहे. इतिहासाच्या भव्यतेला आणि भावनिक गाभ्याला मोठ्या पडद्यावर साकारत हा चित्रपट प्रेक्षकांना एका प्रेरणादायी आणि नेत्रदीपक सिनेमॅटिक प्रवासावर घेऊन जाणार आहे.
तिकीट येथे बुक करा – https://bookmy.show/RajaShivaji
‘राजा शिवाजी’ हा चित्रपट १ मे २०२६ ला जगभरातील चित्रपटगृहांमध्ये मराठी आणि हिंदी भाषांमध्ये प्रदर्शित होणार आहे. ॲडव्हान्स बुकिंग सुरू झाल्याने आता प्रेक्षकांना या भव्य ऐतिहासिक प्रवासाचा भाग होण्याची संधी मिळाली आहे. भव्यता, भावनिक ओढ, नेत्रदीपक दृश्ये आणि इतिहासाचा अभिमान यांचा संगम असलेला ‘राजा शिवाजी’ प्रेक्षकांसाठी एक संस्मरणीय चित्रपटानुभव ठरणार आहे.